დღე 7, ინტელის ტრენინგი, 28.09.2016

რეფლექსია

ტრენინგის მეშვიდე დღე საკმაოდ აქტიური და პროდუქტული იყო. ინტელის სახელმძღვანელოდან ამოვიღეთ მასწავლებლის განმავითარებელი თვითშეფასების შაბლონები, მოვარგეთ ჩვენს პროექტს და გადავიტანეთ პროექტის გეგმის საქაღალდეში.

ასევე ინტელის სახელმძღვანელოში ტრენერის მიერ მითითებულ რესურსებზე მსჯელობის შემდეგ შევარჩიეთ ბუკლეტი და შევქმენით მოსწავლის მხარდაჭერის დოკუმენტი.

ამასთან,  დავასრულეთ პროექტის გეგმაზე მუშაობა :)))

დღე 6, ინტელის ტრენინგი, 27.09.2016

რეფლექსია

მეექვსე ტრენინგ დღე გასული ტრენინგის შეჯამებით დავიწყეთ და მოსწავლის ნაშრომის შეფასების რუბრიკებზე ვიმსჯელეთ, შემდეგ გამოვიყენეთ ინტელის საელმღვანელოს შაბლონი და მოვარგეთ ჩვენს პროექტს. მოდიფიცირებული შეფასების რუბრიკა მოვათავსეთ ჩვენს ფოლდერში.

შემდეგ პროექტის გეგმას დავუბრუნდით და აქტივობებად ჩავშალეთ პროექტის დაწყება, მსვლელობა და დასრულება. გეგმის ეს ნაწილიც შევინაეთ ჩვენს საქაღალდეში D - დისკზე.

ბოლოს გადავედით ბლოგზე და ვისწავლეთ ჩანართების დამატება.

დღე 5, ინტელის ტრენინგი, 21.09.2016

რეფლექსია

ტრენინგი დავიწყეთ პროექტის შეფასების ჩარჩოს გახსენებით და შემდეგ შეფასების ჩარჩოს თითოეული ეტაპის მეთოდები ჩავშალეთ შეფასების ჩარჩოს განხილვაში. ინტელის სახელმძღვანელომ შესანიშნავი დახმარება გაგვიწია.

შემდეგ ვისუბრეთ, კიდეც ვიკამათეთ და მიმოვიხილეთ საავტორო უფლებები, ინტელექტუალური საკუთრება და მისი დაცვის წესები. ინტერნეტში მოვიძიეთ ჩვენი პროექტისთვის საჭირო ვიზუალური მასალა, ავტვირთეთ და მივუთითეთ გამოყენებული მასალის ვებ.გვერდი, URL და სახელწოდება 

ასევე ვისწავლეთ ვიდეოს ატვირთვა ბლოგზე YOUTUBE-დან. ავტვირთეთ ტრენენრის მიერ წინასწარ ფოსტაზე გამოგზავნილი ინტელის სარეკლამო რგოლი პროექტებზე.

ბოლოს ,,ვიყავით" მასწავლებლები და დავასაქმეთ ,,ტრენენრი-მოსწავლე" ჩვენს პროექტში და შემდეგ, უეცრად ,,გადავიქეცით" ჩვენს მიერ დასაქმებულ მოსწავლეებად და ჩვენივე მითითებებით პროექტის ერთი აქტივობა - პრეზენტაცია შევასრულეთ. POWERPOINT-ში მუშაობა დავასრულეთ და შევინახეთ ჩვენი პროექტის გეგმის ერთერთ ფაილში - მოსწავლის ნიმუში.

მეხუთე დღე გრილი, საინტერესო და წითელ-შავი ბურთით გამხიარულებული გამოვიდა. 

  

Bridging Our Future (long) | Intel

დღე 4, ინტელის ტრენინგი, 20.09.2016

რეფლექსია

დღის მეორე ნახევარში ტრენინგის გადმოტანამ თავისი ,,ხიბლი" დაგვატყო ყველას.

ტრენინგი ონლაინ კოლაბორაციით დავიწყეთ, ვისწავლეთ საერთო დოკუმენტზე მუშაობის ტექნიკა გუგლის დოკუმენტების გაზიარებით.

ასევე ვისწავლეთ დაარქივებულ დოკუმენტზე არქივის მოხსნა.

შემდეგ, სათითაოდ წავიკითხეთ ჩვენს პროექტზე მორგებული მიმართულების მიმცემი კითხვები და გადავიტანეთ პროექტის გეგმაში. ვიმსჯელეთ შეფასების დროის ჩარჩოზე, გავაკეთეთ მონახაზი დაფაზე და შემდეგ ინტელის სახელმძღვანელოში ვნახეთ შეფასების ჩარჩო და გადავიტანეთ ჩვენი პროექტის გეგმაში.   

დამღლელი დღის ბოლოს დავწერეთ რეფლექსია.

მე-4 დღე პროდუქტული და ქანცგამცლელი იყო

დღე 3, ინტელის ტრენინგი, 7.09.2016

რეფლექსია

ტრენინგი პროექტისთვის საჭირო დოკუმენტების - 21-ე საუკუნის უნარ-ჩვევები, ესგ და განახლებული ბლუმის ტაქსონომია, ჩამოტვირთვით დავიწყეთ; შემდეგ შევარჩიეთ ჩვენი პროექტების შესაბამისი უნარ-ჩვევები, სტანდარტები და ინდიკატორების საფუძველზე შევადგინეთ მიზნები ბლუმის ტაქსონომიის მაღალი სააზროვნო დონეების შესაბამისად; ეს ყველაფერი გადავიტანეთ პროექტის გეგმაში.

ტრენერის დამაბნეველ შეკითხვაზე მსჯელობით გადავედით მიმართულების მიმცემ კითხვებზე და ვისაუბრეთ ზოგადი, თემატური და შინაარსობრივი კითხვების აუცილებლობაზე.

და ბოლოს, მას შემდეგ რაც გაფაციცებით ვწერდით (თურმე ერთსა და იმავე ფურცელში) ერთი და იგივე ტექსტს და ვერ ვწერდით და თან გვიკვირდა რა ხდებაო, ტრენერმა აგვიხსნა ონლაინ კოლაბორაციული თანამშრომლობა. 

ტრენინგის მესამე დღე საკმაოდ დაძაბული და პროდუქტული იყო.

ყველაფერი მთავრდება, მერე ისევ იწყება, ასე გრძელდება დაუსრულებლად ...

დღე 2, ინტელის ტრენინგი, 5.09.2016

რეფლექსია

ტრენინგი დავიწყეთ წინა სატრენინგო მასალის შეჯამებითა და დავალების განხილვით. სათითაოდ დავასახელეთ და მიმოვიხილეთ პროექტების სათაურები და შინაარსი.

ვისაუბრეთ პროექტის საჭიროებაზე და დაინტერესებული პირების ცნობიერების ამაღლებისთვის საჭირო რესურსებზე, როგორიცაა პუბლიკაცია, ანუ ბუკლეტი, კედლის გაზეთი, ფლაერი და ა.შ.

ასევე ვისწავლეთ ინტელის სახელმძღვანელოში კონკრეტული ინფორმაციის მოძიების გზები, მოვძებნეთ ბუკლეტისა და გაზეთის შაბლონები, ასევე ავიღეთ ინტელის სახელმძღვანელოდან ნიმუში და მოვარგეთ ჩვენს პროექტებს: ტექსტი და სურათები შევცვალეთ ჩვენთვის სასურველი მასალით.

ამის გარდა ვიმუშავეთ ბლოგზე, ვისწავლეთ სათაურისა და ტექსტის რედაქტირება და ფონის შეცვლა. 

დღევანდელი ტრენინგი ფერადი და სასიამოვნო იყო, ასევე ძალიან საჭირო.

დღე 1, ინტელის ტრენინგი, 2.09.2016

რეფლექსია

ტრენინგი დაიწყო ტრენერის საინტერესო მიმოხილვით, გავეცანით ტრენერს, მონაწილეებს, გრაფიკს, გავიხსენეთ და ვისწავლეთ ბევრი საინტერესო და საჭირო რამ: ინტელის სახელმძღვანელოში ნავიგაცია, პორტფოლიოსთვის საჭირო დოკუმენტების შექმნა/ჩამოტვირთვა, გავეცანით პორტფოლიოს არსს და შინაარსს, ვიმუშავეთ ელ. ფოსტაზე და ბლოგზე.

ტრენინგის პირველი დრო საინტერესო იყო.